Bhekie Bhekie
Muguta reHarare ukangotsunzunya vanoti rega utsikwe inenge ingori besanwa nebata-wabata.
Kuyambuka mimwe yemigwagwa kunotishungurudza. Jason Moyo naRezende haipfurike wakati wuna wuna makombi anokututa.
Jason Moyo naTakawira ndiyo imwe futi haipfurike nyore nyore unonopeterwa kusvika muConstruction House watutwa hako.
Toenda kuna Jason Moyo naNehanda haaa unochiona chakati tende, dzakabatana hadzo kunge makumbo ezongororo.
Touyawo Robert Mugabe naNehanda yah apa unoti kuisa chioko muhomwe nekuti haaa vanokunhongera kese kaunenge wakachengetera vhiki rese.
Tobva tati hedu mugwagwa umwechete uwo uchipesana naChinhoyi mota dzinobuda ipapo dzichityorera muna Chinhoyi dzichibva nepa kanzvee kekuTotal huye bodo.
Wodzika hako nayo Robert ichisangana naCameroon, haaa apa hapadi kuita hudutunya ungaswere wave kuPari wakuunzirwa mazimbiringa nemahapuro.
Ichidzika hayo Robert inozoti yasvika hayo panaNyerere yoita kunge gungwa ratsamwa hapapfurike kani, zvisinei panenge pane mapurisa hazvishande zviye.
Inotopfumbira yakadaro nzira iyi kunosvika kuna 4th/Simon Muzenda haaaaa ipapo unonyatsozorora wena.
Touya hedu mhiri kuna Samora naChinhoyi uko ipapo unenge uchatamba ara-wuru nehwishu uchinzvenga hako dzemshika shika, makombi, mabhazi, vanofamba nedzavo uye dzemakambani.
Totiwo iyo nzira yepedyo kure, Julius naRobson Manyika ingovhunzai veChitungwiza vanokuudzai kuti haazi mafanizi
Comments (0)
Join the conversation
Sign in with Google to comment and like articles
No comments yet. Be the first to share your thoughts!