Obaiwa panyama nhete

Bhekie Bhekie

Muimbi mukuru pasi rose wokuAmerica ozvidzwa nevekwake apo mhuri yake yomufuratira mushure mekunge vagovana upfumi hwake.

Vana vemuimbi uyu vakabva vazvipatsanura kubva kuna baba vavo R.Kelly vachiti ivo havanei nechekuita navo.

Vamwe vakachinja mazita, vamwe vakatama kwavaigara mushure mekunge baba vavo vapomerwa mhosva yekubata-bata vanhukadzi (zvikurusei vasati vabva zera) 'maparts' nekuvambunyikidza zvisiri pamutemo. Kunzvega mutemo vachiita utsotsi ndodzimwe dzemhosva.

Kunyangwe zvazvo mukuru arikupika jere rake anoti iye anenge Pauro apo anoti 'ndiri mujere asi jere harisi mandiri,'

Anobvuma dzimwe dzemhosva dzaanopomerwa dzimwe achiramba asi chinonyanyomudya moyo kusvipwa neveropa rake.

Mushure mekuongororwa kwemhosva idzi akapihwa makore makumi matatu anoraudzira ekupika, izvo  zvakambomukanganisa mupfungwa nemumazwi nemukuita apo akambofunga kuzvipfuudza ari mutirongo.

Hakuna ungaziye zvirimberi asi kusvipwa nevekwake zvikuru sei vana komudya moyo. Simba oriwana kubva kuvatsigiri.

Zvichakadaro vatsigiri vake vanoti dzimwe dzemhosva hadzina umbowo, vamwewo ndivo vanoti ko mutsvene wacho ndiani, vamwe vachiti uyo asati atadza ngaatore ibwe atake.

Kunyangwe zvazvo arimuzarira muimbi uyu arikukwanisa kuimba zvektengesa nekuzadza chaunga sezvo chipo chezwi chiripo.

Vatsigiri vanoti nyangwe akasvika hake akamira pamberi pedu asina kuimba tinodzana topururudza sezvo abvuma nekucherechedza kuti haasi mutsvene.

R Kelly anotarisirwa kubuda mujeri mugore ra 2045