Mwana muparadzi orangarira upfumi hwababa vake

Bhekie Bhekie

"Kumba kwababa vangu kune dzimba zhinji dzokugara, kune upfumi kune mufaro kwazvo," anodaro Danny Welbeck.

Mushure mekuzvambaradzwa zvisina mukuru akamboona nechikwata che Manchester United musi wemugovera umwe aimbove mumwe wevatambi wechikwata ichi Welbeck oyuwira apo aitambira bato rinopikisa (Brighton and Hove Albion fc)

Mashoko ake achitaura mushure mekunge mutambo wapera Welbeck anoti zvairwadza vashanya sezvo vakange vauya pamusha weManchester United (Old Trafford)

"Ichi ndicho chikwata cheManchester United chakakwenenzverwa chat asangana nacho rwendo runo. Zvange zvakarongeka munhandare. Vatambi vavo vanga vane unyanzvi mutambo wanga wakati sunga mbiradzakondo," anodaro achiyamura udobi dobi hwange hwaratidzwa neUnited.

Anoenderera mberi achiti zvirokwazvo zvirokwazvo obvumirana neveruzhinji uye zvimwe zvikwata zvatatsurana neUnited parizvino achiti "Zvikwata zvese parizvino zvirikutaura kuti zvaizvezvi chikwata cheUnited cherwendo runo chakabatana kunge bhandi nebhurugwa,".

Welbeck haasiriye ega akayemura matambiro echikwata cheManchester, kana mutungamiriri weLiverpool, Arne Slot akareururawo kuti rwendo runo United ine ukasha.

'Matambiro arikuita vakomana ava haatarisirwe kuti vange vari pavari padanda, dai vari kumusoro kwetafura," anodaro pada achirangariro mutamba wavo wapfura neUnited apo vakatambidzwa muhoro wavo wakafanira.

Mutambo wakazopera Manchester United 4 vashanyi Brighton and Hove Albion fc 2, zvekuti dai muzvinapembe asina kuridza tsuri pamwe dai United isina kunzwira vaenzi tsitsi.