Ichapera rinhiiko

Nhasi taona chisionekwi humhandara hwamai, chave hacho chijairiro kuyemura nekushora hondo pakati pekanzuru nevemakombi.

Yange iri ngwengwere-ngwengwere gwengwere-gwengwere, kwereeee- kwerweee ungati parikuda kukokorwa makoko nechipunu mupoto yesadza, apo mutyairi anga achiedza kusvodza simbi yanga yakwechekerwa nevekanzuru pamavhiri.

Izvi hazvina kana nguva zvaitika pana Chinhoyi na Bank pedo neGarufu complex muguta reHarare. Veruzhinji vamira vachida kuona Vin Diesel achiratidza huMikaera Shumaka, apo anga ari 'fast and furious' achivavarira kugwejenura  simbi baba.

Vavhetemutsana huri hwese nakatsande vachikuzana bato nebato kwaro. Zvanga zvichiyendeka ingori kwereeeee, ngwereeeeee simbi mutara. 

Dzamutsana-mutsana kusvika simbi yati yohwe! "makati ndorohwa ndichapisa mandinonokera rega ndisvoteke ndega ndingasare ndisisina chimiro" ichibva yati ndiye sarai.

Payati kwetchwere, kwetchwere haa chaunga chabva chaita maune chichikuza mutyairi nakondakita wake uyo anga akabuditsa diti, dundundu, chipfuva, besu zvese nehuso panze achikokera.

Hatina kuzokwanisa hedu kutora mifananidzo tichiri kurava cyber act!